Ikkje bland saman!

Publisert 8. April 2005 09:00

Det bør lagast reglar som gjev forbod for offentlege styresmakter å blande tilsynsoppgåver saman med oppdragsverksemd som er på marknader der òg andre aktørar er, skriv det svenske Konkurrensverket i ei høyringsfråsegn. Verket peikar på at ei stor mengd utgreiingar og rapportar syner at ein må løyse det problemet som ligg i samanblanding av dei to aktivitetane.

Innspelet kjem til ei utgreiing som låg føre i oktober i fjor. Det var SOU 2004:10 ”Tilsyn. Förslag om en tydligare och effektivare offentlig tilsyn”.

Konkurrensverket held fram at ein òg bør lage reglar som gjer at det er mogeleg å oppdage og hindre at løysing av tilsynsoppgåver gjev overskot som kan subsidiere oppdragsverksemda. Tilsynsrolla kan gje føremoner i marknaden som skapar konfliktar og som minskar tiltrua til styresmaktene, skriver verket, som peikar på at det i ei rad rapportar vert understreka at det er dei små føretaka som vert ramma av at offentlege verksemder driv tevlingsutsette aktivitetar.

(Sverige Konkurranse Kommuner Konkurrensverket)